Митрополитот Шио Муџири, митрополит на Сенаки и Чхоротску и актуелен местобљустител на Патријаршискиот трон, ги повика свештенството и верниците на Грузиската православна црква да ги засилат своите молитви во пресрет на клучното црковно собрание следната недела, на кое ќе биде избран новиот католикос-патријарх на цела Грузија, објави Откодокс Тајмс.
„Следната недела ќе треба да одржиме голем проширен црковен собор, на кој треба да биде избран новиот католикос-патријарх“, рече митрополитот во денешната беседа.
Тој додаде дека верниците особено треба да го бараат застапништвото на Свети Георгиј, молејќи се за неговата благодат и водство за време на изборниот процес.
Претстојниот патријаршиски избор привлекува големо внимание низ цела Грузија, додека Црквата се подготвува да влезе во ново поглавје по завршувањето на историското раководство на патријархот Илија II.
