Најмалку 42 лица загинаа во денешните воздушни напади врз џамија во село во северна Сирија, што е под контрола на бунтовниците, објави Сириската опсерваторија за човекови права.
Организацијата со седиште во Лондон наведува дека во нападите повредени се десетици лица. Се стравува дека бројот на загинати луѓе е поголем бидејќи многумина се под урнатините.
Неидентификувани воени авиони извршиле напад врз селото Ал Џина, во близина на градот Атареб, во северната сириска провинција Алепо.
Според очевидци за време нападот во џамијата имало околу 300 верници.
