Вселенскиот патријарх Вартоломеј изрази поддршка за патријархот Јован X на Антиохија и на целиот Исток, во контекст на актуелните настани и продолжувањето на војната на Блискиот Исток.
Со загриженост за ситуацијата во регионот, Вселенскиот патријарх телефонски стапил во контакт со антиохискиот патријарх за да се распраша за неговата состојба и за состојбата на верниците на Црквата што е под негова јурисдикција.
За време на разговорот, патријархот Вартоломеј му упатил срдечни желби и ја изразил искрената грижа и поддршка од страна на Вселенската патријаршија.
Тој исто така се помолил Христос и Пресвета Богородица да му даруваат постојана заштита на патријархот Јован и на верниот народ на Антиохиската патријаршија.
