Виктор стана популарен на социјалните мрежи со повеќе од 300.000 следбеници благодарение на својот талент. Свештеник изјави дека момчиња како Виктор не се во склад со српската традиција, што предизвика полемика во јавноста.
Српската турбо фолк звезда, Сека Алексиќ упати остри зборови до свештеникот на СПЦ Стефан Рајчиќ, откако тој јавно го нападна момчето Виктор, ученик во петто одделение од Јагодина. Ова талентирано дете, чиј хоби е хеклање(рачна техника за плетење со куки), стана вистинска сензација и на социјалните мрежи за само неколку дена собра повеќе од 300.000 следбеници.
Откако приказната за Виктор дојде во фокусот на јавноста, отец Стефан Рајчиќ остро го осуди момчето и неговото хоби, тврдејќи дека таквото однесување не е во духот на српската традиција. Неговите зборови предизвикаа лавина реакции, а реагираше и Сека Алексиќ.
Таа одлучи да застане во одбрана на малолетното дете и јавно да му одговори на свештеникот поради осудувањето. Пејачката ги сподели неговите зборови и упати јасна порака во која ги осудува нападите кон различните и талентирани:
– Какви сме како луѓе, колку сме полни со горчина, омраза и несреќа, најдобро зборува тоа што е напишано. Не навлегувам во тоа кој го напишал, ниту зошто, бидејќи тоа не е поентата. Поентата е дека сме заборавиле да бидеме луѓе. Добро нè држи Бог на земјата колку сме подготвени да осудиме, повредиме и понижиме некого само затоа што е поразличен, понежен, поталентиран или доволно храбар да биде тоа што е – напиша револтираната Сека, па продолжи:
Пред Бог сите сме еднакви. Никој од нас нема право да му суди на другиот, да го навредува, исмева или понижува. Зашто никој не знае каква борба води некој во себе, колку солзи крие и колку може да го заболи една грда збор. Најлесно е да се осуди. Најлесно е да се впери прст. Но да се биде човек, да се има разбирање, топлина и срце – тоа е многу потешко. „НЕ СУДЕТЕ ЗА ДА НЕ ВИ СЕ СУДИ“ – напиша таа.
Со овој потег Сека му даде поддршка на малиот Виктор да продолжи да се занимава со она што го сака.
Свештеникот за Виктор:
Зборовите на свештеникот Стефан Рајчиќ, кои масовно се споделуваат и коментираат, гласат:
– Српската традиција не се момчиња што хеклаат, со „Одри Хепберн“ капчиња, златни ланци и барби фризури! Стоп за создавање лажни идоли и узори! Узори можат да ни бидат оние деца кои од најмали нозе цепат дрва, чуваат крави и овци, возат трактори, постат и се причестуваат! Инфлуенсери – никогаш!!! Немојте да ни наметнувате дека нешто е натпросечно и пример кога не е!!! Уште еден маркетиншки трик, зад кој нешто се крие! Во најмала рака рушење на идеалите и разликата меѓу мажите и жените! Бришење на српската традиција, исто така – напиша свештеникот Стефан Рајчиќ.
