Руска православна пропаганда „влијае“ врз јавната перцепција во Македонија преку медиуми поврзани со Македонската православна црква – Охридска архиепископија (МПЦ-АО), покажува анализата на Андреја Богдановски, направена за Вистиномер.мк.
Анализата посочува дека веб-порталот Liturgija.mk, кој наводно треба да известува за верски случувања и црковни теми, во пракса служи како канал за пренесување содржини блиски до наративите на Руската православна црква (РПЦ), во однос на религиозните настани поврзани со Украина и пошироко.
Според истражувањето, известувањето на Liturgija.mk е диспропорционално во однос на теми што се однесуваат на религиозните случувања во привремено окупираните украински територии и често застапува нарации со кои, на пример, Донецк се прикажува како дел од Русија, што може да се толкува како обид за „усогласување на јавното мислење“ во Македонија со територијалните тврдења на Москва.
Откако МПЦ-АО ја доби автокефалијата призната од Српската православна црква во 2022 година, контакти со Руската православна црква значително се зголемија, вклучувајќи и посети на високо ниво. Ова отвори простор за поголемо присуство на руски наративи во црковните кругови, кои се шират преку медиуми како Liturgija.mk, наместо, како што беше порано, само преку Српската православна црква како посредник, пишува во анализата.
Анализата покажува дека порталот често користи извори блиски до Москва, како што се содржините од OrthoChristian и Union of Orthodox Journalists (UOJ), кои често го поистоветуваат конфликтот во Украина со историјата на црквите и го прикажуваат конфликтот како системско „прогонот“ на Православната црква во Украина. При тоа, независни или алтернативни извори и гледишта недостигаат или се маргинализирани, што создава искривена слика за реалните црковни случувања. Една од клучните техники што се користат е таканаречениот „наративен поплавување“ (narrative flooding), каде што во голема количина се повторуваат одредени пораки со цел да се формира доминантен впечаток кај публиката. Ова се гледа, на пример, во честите написи што ја оспоруваат правото на Украинската православна црква на независност, ја користат навредлива реторика против Православната црква на Украина, и ги напаѓаат историските улоги на други црковни лидери, вклучително и на Вселенскиот патријарх.
Проблеми со транспарентноста
Веб-порталот Liturgija.mk не го открива јасно својот однос со МПЦ-ОА, иако домеинот е регистриран на адреса што припаѓа на Македонската православна црква.
-Тимот на „Антидисинфо“ се обиде да контактира и со уредникот на порталот и со централните канцеларии на МПЦ-АО за појаснување за оваа врска, но до објавувањето на анализата не добил одговор, пишува во анализата.
Покрај тоа, иако во април 2024 година МПЦ-АО официјално се дистанцираше од разни црковни новински портали, вклучувајќи го и Liturgija.mk, со објаснување дека официјални реакции треба да се споделуваат само преку Синодот на црквата, официјалните црковни канали сепак во голема мера го поддржале и промовирале лансирањето на порталот, покажуваат службени објави на епархиски веб-страници.
Експерти за дезинформации и медиумски аналитичари предупредуваат дека овие практики можат да резултираат со значително искривување на јавната перцепција кај граѓаните, вклучително и кај свештеници и верници, со што се создава клима што ја фаворизира реториката на РПЦ и државата Русија и го поткопува разбирењето за реалните црковни и геополитички случувања во Украина и пошироко.
Целата анализа прочитајте ја на /truthmeter.mk
Нема такво нешто како ‘Вистиномер’. Најдобриот ‘вистиномер’ во Македонија е кај народот. Пропаганда? Па religija.mk се занимава со толку ревносна антируска и антисрпска пропаганда, што и несакајќи подгрева многу поголеми симпатии кон Русија и кон Србија, кон нивните помесни Православни Цркви. Туку, најголемата заблуда на сите пропагандисти овде е што живеат во заблуда дека зборуваат пред глуп и неписмен народ. Македонците денес активно и пасивно владеат многу повеќе јазици од многумина професионални новинари, ги баратаат и автоматските алатки за преведување. Значи имаат пристап до огромен број извори на информации. А освен тоа и многу патуваат, поминуваат време во средините коишто вие ги идеализирате, имаат лично искуство и информации на терен кој за вас е само кауза, а за нив живот на своја кожа. Нивниот суд е многу поавтентичен од вашите намери. Не можете успешно да ги заведете. Или да им продадете приказната за некаков ненавиден руски свет. Во ЕУ и во САД каде што живеат многумина Македонци има и многубројни Руси и Украинци, Срби, а богами ги има и “великолепните” Европејци од секаков вид итн. Мигрантите подобро од сите знаат да почувствуваат ‘менталитет’.
Лично сум изненандена од квалитетот на liturgija.mk. За секоја пофалба!
Др. Андреја Богдановски, авторот на овој срамен текст („анализа“ на доктор на науки?) е еден од многутемина искомплексирани источно-европејци кои градат висока кариера за дебели пари плукајќи по за нив „мизерната и безвредна Источна Европа“, по својата татковина, по својот народ, по некомерцијалното Православие и денес со особена леснотија по Русија. Отприлика како во времето на фашизмот, кога недоносени тролови се збогатуваа просто величајќи ја грозоморната нацистичка идеологија. Но, како што фашизмот падна и со себе ги однесе во неповрат сите свои влекачи, ќе падне и пропагандата на неговата повампирена форма. Андреја Богдановски со се’ неа.