Поранешниот претседател на руските баптисти, Јуриј Сипко, е внесен во списокот на терористи и екстремисти, соопштува веб-страницата на рускиот финансиски надзорен орган Росфинмониторинг, пренесе РИА Новости.
„Список на терористи и екстремисти (вклучени)… Сипко Јуриј Кирилович, роден на 28 февруари 1952 година, град Тара, Омска област“, се наведува во списокот.
На лицата и организациите кои се наоѓаат во соодветниот регистар на Росфинмониторинг им е забрането да соработуваат со медиуми, да објавуваат информации на интернет, да организираат јавни настани, да учествуваат на избори и да користат какви било финансиски услуги кои не се поврзани со плаќање даноци, исплата на плати и надомест на штета.
