Русија бара заштита за имотот на СПЦ во Косово

Руското министерство за надворешни работи соопшти дека состојбата со имотот на Српската православна црква во Косово предизвикува сериозна загриженост.

„Ние сметаме дека оваа состојба, меѓу другото, е резултат на неканонските чекори на Цариградската патријаршија во однос на православието во Украина. Имало влошување на политизираните пристапи во врска со канонските православни структури и кршењето на нивните законски права“, се вели во соопштението.

Руското МНР бара од УНМИК да изврши притисок врз властите во Приштина, со цел да ги заштити легитимните интереси и права на СПЦ во Косово.