Синодот на Православната црква на Полска побара свикување на сеправославен Собор за решавање на отворените прашања во православниот свет. Под претседателство на Митрополитот Сава, Синодот на ПЦП заседавал на 27 октомври 2025 година, на својата есенска седница.
Владиците на Полската црква констатирале дека остануваат на досегашните важечки позииции на Автокефалната православна црква на Полска во врска со поделбите во православието.
– Светиот и свештен синод беше информиран за моменталната состојба на Православието како целина. Светиот и свештен синод утврди дека, за отстранување на поделбите, мора да се свика Сеправославен синод на Епископите од целиот православен свет, стои во соопштението.
