Вселенскиот патријарх Вартоломеј престојуваше во Анкара по покана на претседателот на Турција, Реџеп Таип Ердоган, каде што присуствуваше на свечен ифтар организиран во претседателската палата.
Посетата се одржа на 10 март 2026 година, во рамки на традиционалната покана што турскиот претседател ја упатува до верските лидери во земјата за време на муслиманскиот месец Рамазан.
За време на средбата, патријархот Вартоломеј му ги пренел своите честитки и добри желби на претседателот Ердоган, а преку него и на сите муслимани во Турција по повод светиот месец Рамазан.
По завршувањето на настанот, Вселенскиот патријарх истиот ден се вратил во Константинопол. Во посетата бил придружуван од митрополитот Емануил од Халкидон.
Официјалните извори потсетуваат дека ваквите средби се дел од редовната комуникација меѓу државното раководство и верските лидери во Турција. Ден претходно, слична официјална вечера во Анкара организирал и Комитетот за надворешни работи на владејачката Партија на правдата и развојот (АКП). На тој настан, Вселенскиот патријарх традиционално бил поканет, а оваа година бил претставен од митрополитот Јоаким од Пруса.
