Бугарската Црква одбива да учествува во какви било заеднички настани со Папата за време на посетата на Бугарија

Бугарската православна црква одлучи да не учествува во ниту една заедничка активност со Папата Франциск, кој на 5 и 6 мај ќе допатува во посета на Бугарија.

Синодот на БПЦ одлучил да ја прифати само планираната средба на Франциск со Патријархот Неофит на 5 мај во Синодалната палата. За сите други планирани активности кои биле зацртани во предвидениот протокол, Синодот одлучил да не учествува.

-Посета на патријаршиската катедрална црква Свети Александар Невски е можна, но сакаме да Ви предочиме дека каква и да е форма на заедничко служење, или молитвено богослужење, како и носење на литургиски одежди, за нас е неприфатлива, како што тоа не го дозволуваат светите канони, пишува во одлуката на Синодот на БПЦ, потенцирајќи дека и во сите други точки од предвидената програма, учеството на претставници на БПЦ-БП е невозможно.

Синодот не дава благослов и ѓаконот Иван Иванов да биде преведувач за време на посетата на Папата Франциск, освен за време на посетата на зградата на Синодот и на црквата Св. Александар Невски.

Синодот на БПЦ своите одлуки ги испратил и во форма на писмо до Ватикан. За БПЦ посетата на Франциск на Бугарија е на покана од државните власти и порачува сите координации за тоа да се вршат во согласност со државните институции.

Поврзани написи:

Бискуп служел литургија в затвор Од фан на Чолиќ, преку исповедник на Цеца, до владика на СПЦ? Путин стапна на Света Гора, пречекан со сите почести Ослободителна пресуда за Игуменот сите обвинети во скандалот што ја урна владата на Караманлис