Српскиот патријарх Порфириј на 12 и 13 септември ќе престојува во Љубљана, каде ќе учествува во одбележувањето на 90-годишнината од завршувањето на изградбата на храмот „Свети Кирил и Методиј“.
Посетата ја организираат Загрепско-љубљанската епархија и црковната општина во Љубљана, кои ги повикаа верниците да му посакаат добредојде на поглаварот на Српската православна црква и да учествуваат во богослужбите.
Свечениот пречек на патријархот Порфириј е предвиден за сабота, 12 септември, во 18 часот, пред храмот „Свети Кирил и Методиј“. По пречекот ќе биде отслужена свечена Доксологија.
Следниот ден, во недела на 13 септември, патријархот Порфириј ќе началствува со Божествената Литургија во истиот храм. Богослужбата ќе започне во 9 часот.
Од Загрепско-љубљанската епархија ги повикаа верниците со молитва и духовна радост да го пречекаат српскиот патријарх, со зборовите: „Благословен е оној што доаѓа во името Господово!“
