Македонското друштво „Илинден“-Тирана ги повикува Македонците во Република Албанија на годишната средба која и годинава ќе се одржи во селото Ербеле-Маќелара, кај црквата „Преображение Христово“.
Средбата е закажана за 18 и 19 август 2026 година, а од друштвото упатуваат покана до сите Македонци да присуствуваат на традиционалното собирање.
Црквата „Преображение Христово“, околу која се одржува средбата, според информациите на Македонското друштво „Илинден“-Тирана, датира од XII век и е прогласена за споменик на културата.
Од друштвото ги повикуваат Македонците од сите делови на Албанија да се придружат на годишната средба.
„Сите сте добредојдени!“, порачуваат од Македонското друштво „Илинден“-Тирана.
