Во храмот „Света Петка“ во скопската населба Црниче беше одбележан празникот посветен на светата маченичка Параскева (Петка) Римјанка.
По тој повод, архиепископот Стефан служеше Света Божествена Литургија, на која присуствуваа верници од Скопје.
На Литургијата беше извршено и ракопроизведување во чин чтец на Јове Јованов.
Празникот на света Петка Римјанка се одбележува на 8 август, а светителката во православната традиција се почитува како маченичка која пострадала за Христовата вера.
