Црквата на Крит најави дека во наредниот период ќе преземе иницијативи за материјална и духовна поддршка на луѓето кои беа погодени од разорните пожари што зафатија делови од островот и други области во Грција.
Од Светиот епархиски синод на Црквата на Крит изразија длабока болка и тага поради последиците од пожарите, особено поради човечките жртви во областа Ретимно и во други делови од земјата.
„Се молиме за упокојување на петте жртви, упатуваме искрено сочувство до нивните семејства и ја изразуваме нашата целосна поддршка и љубов кон сите оние кои страдаат од последиците на огнената стихија“, се наведува во соопштението на Синодот.
Пред големата трагедија, Црквата на Крит повика на заедништво и солидарност, нагласувајќи дека сите треба да застанат заедно за да се залечат раните што ги оставија пожарите.
„Се молиме Бог да им даде сила и храброст на сите луѓе кои се соочуваат со последиците од оваа катастрофа“, порача Синодот.
Воедно, Црквата им изрази благодарност и признание на припадниците на противпожарната служба, волонтерите и сите лица кои учествуваат во справувањето со пожарите.
Од Црквата на Крит упатија и апел до граѓаните да покажат посебна внимателност за заштита на природата, да ги почитуваат мерките за спречување пожари и упатствата на надлежните институции.
