Српската православна црква го одбележа споменот на Сурдулички маченици, во храмот „Св. великомаченик Георгиј“ во Сурдулица, Србија.
Литургијата ја водеше митрополит врањски Пахомиј во сослужение на митрополитите рашко-призренски Теодосиј и нишки Арсениј од Српската православна црква.
Гости на овој настан беа и владици на МПЦ-ОА, епископите делчевско-каменички Марко и викарниот дремвитски Давид.
-По литургијата беше поведена свечена литија до местото Длабока Долина, каде што настрадале голем број маченици — неколку илјади на број, помеѓу кои и двајца архиереји и осумдесет и осум свештеници, велат од Делчевско-каменичката епархија.
