Во Манастирот Свети Јоаким Осоговски и оваа година беше прославен споменот на преподобниот Јоаким Крчовски со заедничко сослужување меѓу МПЦ-ОА и БПЦ.
Во навечерението на неговиот спомен, 22.05.2026 година, со Празничната вечерна богослужба чиноначалствуаше Високопреосвештениот Митрополит Кумановско-осоговски г. Григориј. Молитвено присутни на вечерната беа и: Високопреосвештените Митрополити г. Петар и г. Јосиф, како и Преосвештениот Епископ Велбуждски г.Исак (БПЦ), велат од епархијата.
-Утредента, 23.05.2026 година, реки од вернен народ се сливаа во Осоговскиот Манастир. Божествената Литургија ја возглави Високопреосвештениот Митрополит Преспанско-пелагониски г. Петар, во сослужение на Високопреосвештените Митрополити Кумановско-осоговски г. Григориј, Тетовско-гостиварски г. Јосиф, Австралиско-новозеландски г. Никола, Вомировениот Кумановско-осоговски г. Јосиф и Преосвештениот Епископ Браницки г. Јован (Прв викар на Бугарскиот Патријарх), посочуваат од Епархијата.
По завршувањето на Литургијата, Митрополитот Преспанско-пелагониски Петар, во сослужение на своите собраќа архијереји, извршил Мал водосвет, ги благословил кумските колачи и го благословил куполниот крст, кој ќе стои на храмот во конакот што се гради во чест и спомен на Преподобниот Јоаким Крчовски.
