Американскиот заменик-државен секретар Мајкл Ригас ја оствари својата прва официјална посета на Света Гора – Атон, каде што беше пречекан од управникот на Атон, Алкивиадис Стефанис, јавува порталот OrthodoxTimes.com.
Во објава на социјалните мрежи, Стефанис истакна дека посетата на високиот американски дипломат претставува потврда на постојаниот интерес на меѓународната заедница за духовната мисија и културното значење на Атонската држава. „Разговорите се одвиваа во атмосфера на заемна почит и суштински дијалог, насочен кон зачувување на традицијата и уникатниот карактер на ова свето место“, напиша тој.
Посетата на Ригас се оценува како потврда на вниманието што меѓународната заедница го посветува на Света Гора, која претставува не само духовен центар на православието, туку и културно наследство под заштита на УНЕСКО.
