Во своето обраќање на 104. Генерално собрание на Union of Superiors General (USG) во Ватикан, Папата Лео XIV предупредил дека дигиталниот свет, иако нуди „необични можности“ за заедништво и мисија, не смее да ја замени живата човечка близина и конкретното присуство.
Поглаварот посочил дека технологијата во себе носи придобивки — особено за оние што се изолирани или на кои им е тешко да пристапат до заедниците. Тој порачал дека преку интернет, livestream и дигитална комуникација можат да се дојде во контакт со многу луѓе, но дека таа можност мора да се користи одговорно.
Сепак, Папата предупредил на опасностите: кога виртуелната врска ќе стане замена за вистинско присуство, може да се изгуби здрава духовна и човечка комуникација. Тој навел дека црковните институции не смеат да станат „менаџери на услуги“, туку треба да останат места на живо присуство, трпеливо слушање и лично делување.
Според него, верата и молитвата не се сведуваат на онлајн формати — вистинската заедница се гради лице в лице, со споделување и со заеднички молитви и духовно присуство.
Тој упатил апел особено до сите посветени лица — свештениците, монасите и монахињите — да не паднат во замката на „удобноста и ефикасноста“, ако тоа значи дека ќе се изгуби суштината на црковното сведоштво.
Ова негово обраќање ја отвори — уште еднаш — полемиката за односот помеѓу технологијата и духовниот живот, особено во време кога дигитализацијата го преобликува начинот на комуникација, богослужба и заедништво.
