Јеромонах Атанасиј Арсоски од Скопската епархија на МПЦ-ОА сослужувал со Митрополитот Владимирски и Суздаљски Тихон од Руската православна црква во градот Суздаљ во Русија. Сослужувањето е во чест на празнувањето на споменот на преподобната Софија Суздаљска, што се празнува на 14 август во Руската црква.
Заедно со клирици од Владимирската епархија на Руската православна црква, во дворот на манастирот „Покров на Пресвета Богородиц се одржала и литија со иконата на преподобната Софија Суздаљска.
-По завршување на богослужбата следеше заеднички ручек во манастирската трпезарија. Присутните имаа можност, накратко, да се запознаат со историјата и со актуелната состојба на православието во Македонија. Митрополитот Тихон му порача на јеромонах Атанасиј да го пренесе неговиот поздрав и поклон пред православниот македонски народ, објави литургија.мк
Јеромонахот Атанасиј е веќе четврта недела во посета на Руската црква. На 23 јули 2024 година, во Одделението за надворешни црковни врски (ОНЦВ) на Московската патријаршија, во Москва, се се сретна со шефот на руската црковна дипломатија Митрополитот Волоколамски Антониј. Тогаш РПЦ извести дека учесниците на состанокот разговарале за соработката помеѓу Руската и Македонската православна црква, особено во издавачкиот сектор, како и за други прашања од заеднички интерес.
Долгата посета на Јеромонахот Атанасиј на Руската црква се поврзува со уште една, засега непотврдена информација. Имено неофицијално тој е избран како лице за идни контакти на МПЦ-ОА со РПЦ, а посетата на Руската црква е и во насока на негова обука и запознавање со надворешните црковни политики во кои тој во иднина би бил вклучен. Пред една година, Јеромонахот Атанасиј поминал еден месец и во Полска.
