Архиепископот на Америка, Елпидофорос, коментирајќи ги политичките случувања во Сирија по повод посетата на привремениот сириски претседател во Белата куќа, оцени дека една од најзначајните последици од промените во земјата е „ослободувањето од руското геополитичко туторство“.
„Русија се претставуваше како ‘заштитник на Православието’, но всушност ја користеше православната идеологија – исто како што некогаш беше користена комунистичката – како идеолошки плашт за национални и глобални амбиции,“ изјавил тој.
Архиепископот предупредил дека таквата инструментализација на верата претставува сериозен ризик. „Нашата вера не смее да биде алатка на државните интереси. Тоа е опасно и за Црквата и за народите,“ додал тој.
Изјавата доаѓа во момент на значајни промени на Блискиот Исток, каде што, според него, политичките трансформации отвораат можност за поголема автономија на земјите што долго време биле под силно надворешно влијание.
