Вселенската патријаршија денеска го прослави својот престолен празник, Свети Андреј Првоповиканиот, основач на Цариградската црква.
Беше отслужена патријаршиска и синодална Божествена литургија, која ја предводеше Вселенскиот патријарх Вартоломеј и во сослужение на патријархот Александриски Теодор. Присуствуваше и Папата Лав XIV.
Поглаварот на Римокатоличката црква пристигна во Фанар околу 10:30 часот по локално време (9:30 часот по грчко време). Во Патријаршиската црква „Свети Ѓорѓи“ присуствуваат и архиереи од двете Цркви, претставници на други христијански деноминации, дипломати, други службени лица и верници.
На крајот од Божествената Литургија, двајцата претстојатели ги благословија верниците од балконот на Патријаршискиот дом. Напладне во недела, папата Лав XIV, откако ќе присуствува на ручек со Вселенскиот патријарх, ќе замине со авион од Цариград за Бејрут, каде што ќе ја продолжи втората етапа од своето апостолско патување.
