Лидерот на СДСМ Зоран Заев, по повод празникот Рождество Христово – Божик, упати честитка до сите граѓани кои го празнуваат, како и до поглаварот на Македонската Православна Црква – Охридска Архиепископија, архиепископот охридски и македонски, г.г. Стефан.
– Овој голем ден на раѓањето отвора пат на животот што го избравме, почитувни граѓани. Ќе бидеме среќни, децата ќе ни бидат насмеани, ќе живееме квалитетно и спокојно сите. Нашиот благослов е во вербата што ја имавме дека е тоа можно и затоа никогаш не престанувајте да верувате во вредностите, стои во честитката и се додава дека треба да се почитуваме, да се сакаме, да се разбираме едни со други, да се грижиме едни за други.
– Така, се наведува, ќе создадеме општество на свесни и одговорни граѓани кои сакаат, можат и знаат да придонесат кон спокоен живот за себе и за сите во него.
/МИА
