Сергеј Лавров го повика високиот претставник на генералниот секретар на Обединети Нации за Алијансата на цивилизации, Мигел Моратинос, да реагира на, како што наведе, прогонот што украинските власти го спроведуваат врз канонската Украинска православна црква, соопшти во понеделникот Министерство за надворешни работи на Русија.
„До раководителот на Алијансата на цивилизации е упатен итен повик да реагира на ситуацијата поврзана со прогонот на канонската православна црква во Украина“, се наведува во соопштението објавено на интернет-страницата на министерството.
