На островот Вардо, во северна Норвешка, каде што се наоѓаат големи радарски станици на НАТО, се појавилнеобичен проект: рускиот православен епископ Александар Зајцев (Плесецка епархија) планира изградба на капела — „по Божја наредба“, како што самиот кажал.
Проектот првично бил промовиран како скромна верска иницијатива за православни морнари кои минуваат преку островот. Но, на крај, проектот „пораснал“ — планираниот објект достигнува висина до 17 метри и се наоѓа многу блиску до радарската станица на Норвешката разузнавачка служба.
Локалната власт повикала на внимателен пристап и разгледување на проектот; „Рускиот притисок врз нашата општина продолжи, нивните планови пораснаа во нешто многу покрупно. Нешто што почна како мала културна иницијатива, брзо доби поинаква форма.“
Аналитичарите посочуваат дека целиот потфат може да има геополитичка димензија — не само религиска. Проектот овозможува на руски субјект присуство во чувствителен регион, под носот на Норвешката и нарадарската мрежа на Алијансата, што отвора прашања за влијание, безбедност и стационирано присуство.
Овој настан е само еден од примерите како религијата, геополитиката и локалните интереси се преплетуваат — дури и во делови каде што бројот на жители е мал, но стратешката важност е голема.
