Во Чикаго, голем број латиноамерикански католици, особено имигранти без регулиран статус, ги пропуштаат неделните богослужби од страв од евентуална депортација или полициска контрола.
Тројца мажи од Гватемала, кои работат како градежници во Чикаго, раскажаа дека од пред неколку месеци донеле одлука: во недела да не одат во црква, туку цело време дома да работат или одмараат – бидејќи, како што изјавиле:„имаме соништа, но не можеме да ризикуваме“.
Свештениците наведуваат дека богослужбите на шпански јазик во нивната црква забележале пад на посетата – околу 45 % поради засилените акции на Агенцијата за имиграција и стравот што се поттикнува.
Пастор од парохија во јужниот дел од Чикаго, истакнал дека црквата им дава можност да доаѓаат, но ако не се чувствуваат безбедно, тоа е лично прашање и Бог го разбира нивниот страв. „Многумина од нас се плашат да одат на работа, да одат во ресторан, дури и да одат во црква, бидејќи секој, секој се плаши од средба со ICE и може да биде депортиран.“
Оваа состојба ја илустрира длабоката врска меѓу верата, заедницата и чувството на сигурност. За многу имигранти, парохијата не е само место на богослужба, туку и место на поддршка – кога еден од нив при несреќа бил прикован за кревет, волонтери од црквата му помогнале, се молеле – што направило да почувствува дека не е сам.
