Во Тирана се одржала заедничка средба организирана од Главната управа за затвори на Албанија со претставниците на сите поголеми верски заедници во земјата. На состанокот, Албанската православна црква, во име на архиепископот на цела Албанија, Јован, ја претставувале отец Николај Кодели и ѓакон Александер Димрочи, во име на архиепископот на Тирана, Дурас и цела Албанија, г.г. Јоан.
Генералниот директор на затворскиот систем упатли искрена благодарност до верските институции за нивниот долгорочен придонес кон моралната и духовната поддршка на затворениците. Тој истакнал дека верските заедници играат значајна улога во подобрувањето на образованието, етичките вредности и вкупната интеграција на лицата лишени од слобода.
Отец Николај ги пренесол поздравите од архиепископот Јоан и потсетил на богатата традиција на Албанската православна црква во поддршката на затворениците — како духовно, така и материјално. Тој особено го истакналнаследството на покојниот архиепископ Анастасиј, кој иницирал повеќе проекти во затворите во Тирана. Меѓу најзначајните дела е изградбата на голема оранжерија, во која затворениците одгледуваат земјоделски производи што потоа се продаваат, овозможувајќи им дополнителни финансиски средства за подобрување на животните услови. Покрај тоа, Албанската православна црква изгради и стадион во истиот затвор, обезбедувајќи простор за физичка активност и рехабилитација.
Средбата во Тирана повторно ја потврди тесната соработка меѓу државните институции и верските заедници во Албанија, со заедничка цел — подобар, похуман и подостоинствен третман на затворениците.
