Папата Франциск му порача на египетскиот народ дека оваа недела во Каиро доаѓа како пријател и гласник на мирот, јавува Anadolu Agency (AA).
Во снимената видеопорака, која беше објавена денеска, папата исто така вели дека се надева оти неговото патување ќе биде „прегратка на утеха и охрабрување за сите христијани на Блискиот Исток“.
Во неодамнешните два бомбашки напада на коптска христијанската црква во Египет загинаа 44 луѓе.
Папата Франциск во Каиро ќе пристигне в петок и се враќа во Ватикан во сабота. Папата му посака на народот на Египет мир и додаде дека доаѓа со весело и благодарно срце.
Тој изрази надеж дека неговата посета ќе даде важен придонес за меѓурелигискиот дијалог со исламскиот свет и за екуменскиот дијалог со почитуваната и драга Коптска православна црква.
А.А.
