На 13. 10. 2017 година, Покров на Пресв. Богородица, св. Јован Кукузел, Неговото Високопреосвештенство Митрополитот Брегалнички г. Иларион, на вечерната богослужба во женскиот манастир „Св. Спиридон“, метох на Лесновската Обител, расофорната сестра Херувима, која во 2015 година е потстрижана за расофорна а денес Надлежниот Митрополит г. Иларион ја потстрижа и замонаши во мала схима и и посака голем подвиг да ги пази Каноните на Светата Православна Црква според учењето на Светите Отци, и предавајќи му ја на духовниот старец Му рече на Игуменот на Лесновската Обител Архимандрит Дамаскин пази и чувај ја водејќи ја по трнливиот монашки пат кон вечноста и поучувајќи ја во монашкиот живот за се она што препорачуваат Светите Отци.
/Брегалничка епархија
