Архиепископот Стефан во петокот на 21 април 2017 година, на денот на Источен Петок – Балаклија, служеше во Тетово заедно со надлежниот епархиски архиереј Митрополитот Тетовско-гостиварски г. Јосиф.
На Светата Златоустова литургија во храмот „Пресвета Богородица“ – Тетово на протопрезвитерот Томислав Јосифоски му е доделен граден крст. Одлуката е на Синодот на МПЦ, а на предлог на надлежниот архиереј на Тетовско-гостиварската епархија.
Христос Воскресна!
Оче Томе на денот над деновите, на празникот над празниците, светата Пасха (Велигден), по милост Божја, доби обележје на нашето свето православие,кое како духовен пастир го заслужуваш за работата на нивата Господова.
Од мое лично име и од моето семејство молитвено ти честитаме на тебе и на твоето семејство кое овие години беше поткрепа во твојата пастирска должност.
На многаја лета,
Твој брат во Христа воскреснатиот,
Протоереј Душко Спиркоски со семејството, Австралија