Во Сремски Карловци, во српската православна богословија „Свети Арсениј“, деновиве имало меѓународна научна конференција, посветена на 230 години од основањето на богословијата
Таму биле гости теолози од повеќе православни цркви, меѓу нив имало и претставници на МПЦ-ОА.
И нормално кога се оди на таква конференција се подготвуваат научни трудови. Така и претставниците на МПЦ-ОА, тројца со три пригодни труда и сите три труда тематски поврзани за тоа колку и каква силна врска имала СПЦ и Македонија. Како на натпревар – кој повеќе знае за српската духовна моќ во Македонија.
Јеромонах Атанасиј Арсоски од Скопска епархија, зборувал на темата за „Духовно-образовните врски на македонските архијереи и свештеници со Српската православна црква“. Протоѓакон Драган Ѓоргиевски од Преспанско-пелагониската епархија раскажувал за „Битолската богословија ’Свети Јован Богослов’ 1922-1941 (личности, значење и наставни програми)“, српски период. Професорот д-р Виктор Недески од Православниот богословски факултет „Свети Климент Охридски“ должно внимание посветил на темата „Дејноста на Христофор Жефаровиќ во Карловачката митрополија“, единствено м-р Трајче Јанков, професор во Македонската православна богословијата во Скопје посветил поширок контекст со темата „Религијата во светот на медиумите: предизвици и перспективи“, иако нема детали за што точно зборувал.
Веројатно и на домаќините им било незгодно од толку големата љубов што клирот на МПЦ-ОА ја има кон српската духовна врска.
