Состојбите во православниот свет и материјалната положба на свештенството се меѓу темите на кои расправа Светиот синод на Антиохиската патријаршија на своето 16. заседание, што се одржува во Баламанд, Либан.
На третото заседание, одржано во четвртокот, 22 октомври, со кое претседавал антиохискиот патријарх Јован X, архиереите ги разгледувале актуелните прашања во православниот свет и случувањата што влијаат врз пошироката Православна црква.
Во дискусиите учествувале и протопрезвитерот Порфириј Георги и д-р Мишел Абс, генерален секретар на Советот на црквите на Блискиот Исток, кои придонеле во размената на мислења за современите предизвици со кои се соочува православието.
Посебно внимание било посветено на материјалната положба на свештениците. Истакнувајќи го достоинството на свештеничката служба и одговорноста на Црквата кон оние што го посветуваат својот живот на пастирската грижа за верниците, архиереите разгледувале прашања поврзани со животните услови и финансиската сигурност на свештенството.
Од Антиохиската патријаршија посочуваат дека дискусиите ја одразуваат грижата за обезбедување достоинствени услови за живот на свештениците кои ѝ служат на Црквата и на верниците.
Според најавата на Патријаршијата, Светиот синод треба да продолжи со разгледувањето на преостанатите точки од дневниот ред денеска петок, 23 октомври.
