Заштитата на правата на етничкото грчко малцинство останува клучно прашање за Атина во процесот на пристапување на Албанија во Европската Унија. Ова го истакнал грчкиот заменик-министер за внатрешни работи, Јоргос Ѓулекас, на средбата со архиепископот на Албанија, Јован, на која била разгледана и улогата на Православната црква во албанското општество.
За време на средбата, Ѓулекас ја потврдил поддршката на Грција за европската интеграција на Албанија, нагласувајќи дека почитувањето и заштитата на правата на грчкото малцинство остануваат меѓу клучните услови за Атина.
Од своја страна, архиепископот Јован се осврнал на местото и придонесот на Православната црква во албанското општество. Тој зборувал и за делото и наследството на својот претходник, покојниот архиепископ Анастасиј, кој остави значаен белег во обновувањето на црковниот живот во Албанија по децениите на комунистички прогон и забрана на религијата.
На средбата присуствувала и амбасадорката на Грција во Албанија, Ламбрини Комини.
Средбата се одржува во контекст на односите меѓу Атина и Тирана, во кои прашањето за правата на грчкото малцинство има значајно место, вклучително и во разговорите за европската перспектива на Албанија.
