Во деновите на велигденскиот пост, честопати се разменуваат рецепти за посна храна. Религија.мк, следниот период ќе се обиде да ви презентира неколку идеи што вкусно да подготвите дома, а да не го нарушите постот, секако ако сте се одлучиле да постите.
Овој пат нешто многу вкусно од кујната на Бигорскиот манастир.
Потребни состојки:
2 кг. спанаќ
2 главици кромид
3 пиперки
3 моркови
1 филџан ориз
2 лажици доматно пире
2 лажици пченкарно брашно
2 лажички зачин од зеленчук (Вегета, Зачинал…)
1 лажичка буковец
1 лажица сенф
Бибер
Сол
Начин на подготовка:
Спанаќот се мие и се сецка, кромидот се лупи и се сецка на ситно, па се динста во длабок сад со малку вода и се додаваат морковите излупени и исецкани на коцки. Кога морковите ќе се сварат, се додаваат исецканите пиперки и спанаќот и откако сето тоа убаво ќе се издинста, се додава зачинот и буковецот, се остава уште две до три минути и потоа се додава вода. Откако ќе почне да вари, се додава доматното пире и сенфот, а после неколку минути варење се додава пченкарното брашно растворено со ладна вода и оризот. На крај се додава малку бибер, сол по вкус и се остава уште малку да повари.
