Дали Соборот донел каква било одлука за евентуално продолжување на дијалогот со Македонската православна црква – ОА, засега останува непознато. Во официјалното соопштение, што два дена по завршувањето на заседанието на највисокото црковно тело на СПЦ, нема ниту еден збор кој се однесува на ова прашање.
Српските Архиереи, според соопштението на СПЦ, разговарале и одлучувале по многу прашања, но за состојбата во Македонија нема никакви информации.
Според некои непотврдени неофицијални изнформации, „Религија.мк“ дознава дека темата МПЦ-ОА и обновување на дијалогот била отворена, но дека дел српски владици не биле расположени за почеток на разговорите, особено што неодамна Вранишковски повторно беше осуден на казна затвор, но која нема да ја издржува, бидејќи таа се поклопува со времето поминато во притвор.
Јован недамна во интервју за „Вечерње новости“ најави дека Соборот на СПЦ ќе донесе одлука околу идните разговори со МПЦ – ОА, но засега тоа прашање останува без официјален одговор.
/РЕЛИГИЈА.МК
