Католичката црква на 3 април во црквата „Свето Благовештение“ во Штип го одбележа патронатот на оваа парохија. Литургијата ја предводел деканот на скопскиот деканат и скопскиот парох дон Давор Топиќ.
-Патронатот на една парохија е убав настан во кој парохиската заедница ја доживува својата обнова и раст во заедништвото. Празникот Благовест во себе има два дела, а тоа се Исусовото овоплотување и мајчинството на Марија. Исус Христос заедно со својата божествена природа ја зема и нашата човечка падната природа и во него се случува прекрасна размена меѓу божественото и човечкото, за на нас да ни донесе спасение. А во Марија гледаме послушна службеничка која носи живот и така активно учествува во историјата на спасението, изјавил Топиќ.
