Хуманитарната организација Свети Спас, во рамки на скопската епархија поделила 1 тон и 300.000 литри вода за пожарникарите кои секојдневно се на терен во околината на Охрид. Водата во шишиња од 0.5 литри се донација на граѓани.
Оваа хуманитарна организација најави продолжување на акцијата за ваква помош на пожарникари, припадниците на АРМ, припадниците на МВР и волонтерите кои деноноќно се борат со огнената стихија.
-Со благослов на нашиот Архиепископ Охридски и Македонски г.г. Стефан и митрополитот Дебарско-кичевски г. Тимотеј, благодарение на Софија и Јоана, Дамјан и Јана, Јаков и Ника, како и на анонимни донатори од Швајцарија, денес ги посетивме нашите пожарникари во Охрид каде што доставивме 2592 шишиња флаширана вода од 0.5 л. Благодарност до нашите пријатели Evn Macedonia кои се погрижија за горивото и патарините за оваа акција. Бог да ве благослови и награди сите за вашето човекољубие!!!, стои во информацијата од хуманитарната организација Свети Спас.
