Бугарската православна црква годинава нема да патува во Ерусалим на Велика Сабота по Благодатниот оган, туку ќе го користи огнот од минатат година. Ова го соопшти Синодот на БПЦ, но нема дополнителни детали за причините. Во краткото соопштение Синодот на БПЦ пишува дека по Благодатниот оган нема да се патува поради неповолните околности.
-Во врска со неповолните околности, Светиот Синод на БПЦ-БП одлучи оваа година да не се реализира патување на Велика Сабота за пренесување на Благодатниот оган од светиот град Ерусалим. Благодатниот оган, кој се чува од минатата година, ќе може да се користи во Синодалниот параклис Свети Цар Борис Михаил, после 14 часот на Велика Сабота на 23 април, пишува во соопштението на Синодот на БПЦ-БП.
