Група републикански пратеници од Претставничкиот дом на САД упатиле писмо до американската државна обвинителка Пам Бонди со барање за отворена истрага во врска со тоа дали разузнавачките служби на Русија се обидуваат да ја користат мрежата на православни цркви во САД, особено оние поврзани со Руската задгранична црква, со цел влијание врз политиката и законодавците.
Во писмото се наведува дека РЗЦ „активно се труди за проширување на политичкото влијание во САД“, вклучувајќи организирање настан за лобирање на 18 ноември 2025 година, каде што се планирани средби со членови на Конгресот и членови на администрацијата на претседателот Трамп.
Пратениците нагласуваат дека овие активности создаваат „легитимни грижи“ дека православните заедници може да се користат како „средства за собирање информации или операции за странско влијание“.
Оваа иницијатива на Конгресот го става во фокус прашањето за улогата на црковните институции во меѓународните односи и потенцијалното мешање на верските заедници во геополитички борби.
