Верски календар: 09 Мај
КАТОЛИЧКА ЦРКВА/ Св. Кристофор.
Живеел во третиот век. Поради верувањето во Христос, за време на прогонствата на Дечиј, бил мачен и убиен. Според средновековниот писател, Јакобс де Вораџине, Кристофор бил јунак кој сакал да му служи на најмоќниот господар. Бил во служба на кралот, потоа на царот, а на крајот и на ѓаволот. Но, кога во текот на едно патување забележал дека ѓаволот се плаши од свети Христос, стапил во служба на Христос. На свети Кристофор му се молат возачите за да ги чува од несреќа.
