Папата Лав XIV на крајот од ноември ќе отпатува за Истанбул, а потоа и во Либан, во рамките на неговото прво меѓународно патување од неговиот избор во мај. Во периодот од 27 ноември до 2 декември тој ќе посети осум градови, ќе се сретне со политички и верски лидери и ќе предводи богослужби за локалните католици и за паломниците.
Еден од најзначајните моменти на посетата ќе биде заедничката церемонија со Вселенскиот патријарх Вартоломеј I, духовен лидер на голем дел од православиот свет. Тие заедно ќе го посетат Изник (Никеја), местото каде пред 1.700 години се одржал Првиот вселенски собор, на кој се утврдени клучните христијански догми, вклучително и Никејскиот Симбол на Верата. Оваа симболична посета се толкува како стремеж кон продлабочување на дијалогот и надминување на долгогодишните разлики меѓу католичката и православната традиција.
Во Турција, каде што православните и католиците често богослужат во исти простори, ваквите гестови ја одразуваат и реалната практика на блиски односи меѓу заедниците.
Либанскиот дел од патувањето уште повеќе ја истакнува грижата на папата за христијаните и другите заедници кои живеат под притисок на хронични конфликти.
Свештеникот Клаудио Монџе нагласува дека Папата „носи порака на мир и разбирање во срцето на регион кој е во долготрајна криза“.
Според истражувачот Самјуел Ноубл, патријархот Вартоломеј одамна е наклонет кон градење мостови со Рим, иако понекогаш тоа предизвикува отпор од поконзервативните кругови во православието. Настанот со Папата Лео XIV се смета за нов чекор во тој насока, можност за ново приближување меѓу двете цркви по долг историски јаз.
/Religion News Service
