Поглаварот на Православната црква на Украина, Митрополитот Епифаниј пристигна на Света Гора и во Кареја беше пречекан со сите црковно почести, со што беа демантирани шпекулациите дека светогорските монаси нама да му изразат добредоје.
Кратко по неговото пристигнување, митрополитот Епифаниј, го посети Светиот манастир Ивирон како дел од своето поклонение.
Тој беше пречекан со ентузијазам и со полни церемонијални почести од страна на братството на манастирот.
Добредојдето се одржа во атмосфера на длабоко почитување и емоции.
Кога митрополитот Епифаниј пристигна на Света Гора, во придружба на митрополитот Милетски Апостолос како претставник на Вселенскиот патријарх, и од граѓанскиот администратор на Света Гора, Алкивијадис Стефанис, беше топло пречекан во Кареја.
Митрополитот Киевски ќе посети неколку свети манастири на Света Гора како дел од своето поклонение.
За време на церемонијата на пречек на Митрополитот Епифаниј во Кареја, присуствуваше игуменот на манастирот Есфигмен, архимандритот Вартоломеј.
Обраќајќи се до поглаварот на автокефалната православна црква на Украина, игуменот изрази длабока емоција и почит, потсетувајќи на духовните врски меѓу манастирот и Украина, и осврнувајќи се на Свети Антониј Пештерскиот, светец од Есфигмен и основач на Киевско-печерската лавра (Манастир на пештерите). Зборувајќи и за духовниот отпор на украинскиот народ, игуменот нагласи: „Преку оваа борба, чувствуваме духовна сродност со борбата на благочестивиот украински народ и Автокефалната Црква на Украина. Од самиот почеток, ние стоиме покрај вас, поддржувајќи ја автокефалноста доделена од Неговата Сесветост, нашиот Вселенски Патријарх – чин што отвори ново поглавје во црковната историја.“, пишува Ортодокс Тајмс.
Конечно, со емоции, тој се осврна на руската инвазија на Украина, нагласувајќи ја потребата од молитва и единство:
„За жал, нелегалната и нехумана инвазија на Русија во Украина се совпадна со првите чекори на вашата новоформирана Црква. Постојано се молиме за крај на оваа несвета војна.“
Пред посетата, се појави тензија поради реакцијата на одредени манастири под руско влијание во врска со пристигнувањето на митрополитот.
Сепак, ситуацијата беше разјаснета од јеромонахот Никита од манастирот Пантократор, кој зборуваше за дезинформации и обиди за сеење поделба во Света Гора.
