Надлежниот администратор за Австралиско-сиднејската епархија на МПЦ-ОА, Владиката Тимотеј пред велигденските празници и за време на Велигден секојдневно служеше во различни цркви на МПЦ-ОА.
На Велика Сабота и за Благовец во црковната општина „Свети Никола“ во Кабрамата, Митрополитот Тимотеј во сослужение со протојереј-ставрофор Димче Ѓорѓиески, протојереите Наум Деспотовски и Александар Ивановски, јереј Игор Младеновски (старешина на храмот) и протоѓаконот Николче Ѓурѓиноски отслужи Света Василиева литургија.
Во оваа црковна општина Владиката Тимотеј служеше и во неделата на Велигден.
