Висока делегација од Вашингтон и од Амбасадата на САД во Скопје била во посета на Исламската верска заедница.
Делегацијата составена од експерти со различен состав од Стејт департментот, разговарале со претседателот на Исламската верска заедница, Сулејман еф Реџепи, за активностите на ИВЗ, како и улогата на ИВЗ во организација на верскиот живот во Македонија. Една од темите била и спречувањето на појавите на екстремизам.
Во текот на разговорот, како што соопштува ИВЗ, акцент бил ставен на взаемната соработка и партнерство изградено помеѓу исламската заедница и Американската амбасада во Скопје, како еден од најблиските сојузници на ИВЗ во минатото.
Високата делегација од Вашингтон се сретнала и со истакнати имами од Скопје и Тетово, со кои разговарале за проблемите со кои се соочуваат.
-Треба да се напомене дека ИВЗ е една од првите институции во земјата и во регионот која отворено ги осуди бесмислени војни на Блискиот Исток и застана во одбрана на младите муслимани и Муслиманска свест од опасноста од овие војни. Тоа беше првата институција која излезе со конкретен проект во овој проблем кој преедвидува процес на ресоцијализација, велат од ИВЗ.
