Во Бискупската резиденција во Скопје, Скопскиот бискуп и Апостолски егзарх Киро Стојанов имал средба со ректорот на Папскиот Универзитет „Урбанијана“ во Рим професор Алберт Тревисол.
Ректорот Тревисол во Скопје престојувал по повод одбележувањето на 67 годишнината од основањето на Универзитетот „Свети Кирил и Методиј“ како и одбележувањето на денот свети Кирил и Методиј – патронот на Универзитетот, пишува интернет порталот „католици.мк“.
Бискупот Стојанов и ректорот Тревисол разговарале за историјата на католичката црквата во Македонија, како и за нејзиниот актуелен живот и дејствување.
Во знак на благодарност за пријателската посета Бискупот на ректорот Тревисол, му подарил икона со ликот на Богородица.
