Викарниот епископ на рускиот патријарх Кирил, Тихон попладнево слета на Аеродромот „Александар Велики“ во Скопје. Духовниот отец на рускиот Претседател, Владимир Путин, покрај од руската амбасада, на аеродромот го пречекал и Ленин Јовановски и во текот на денешниот ден е во постојана придружба на претставници мото клубот „Ноќни волци“.
Меѓу првите места кои ги посетил бил Лешочкиот манастир, каде се поклонил и пре рускиот крст што неодамна во присуство на отец Методиј од Руската православна црква беше поставен во чест на руските монаси во Македонија.
Епископот Тихон утре ќе патува во Охрид, каде ќе има средба и со претседателот Ѓорге Иванов и со повеќе други личности од Македонија. Предвидена е негова посета на Бигорскиот манастир, како и средба со делегација од Синодот на МПЦ, на чело со Архиепископот г.г. Стефан.
Во вторник во НУБ. Свети Климент Охридски, деканот на Богословскиот факултет на МПЦ, професорот Ѓоко Ѓоргевски ќе ја промовира книгата чиј автор е гостинот на Руската православна црква.
