Архиепископот Стефан, во присуство на архијереи на Македонската Православна Црква – Охридска Архиепископија, денеска по синодсксата седница, отслужил помен за починатиот Грузиски патријарх Илија.
Поменот бил отслужен во соборниот храм Свети Климент Охридски во Скопје.
-Блаженоупокоениот Патријарх Илија речиси половина столетие беше првојерарх на древната Грузиска Црква. Благодарение на својата многуразгранета пастирска дејност, на својата исклучителна ерудиција и на верното пазење на учењето и праксата на Светата Црква, тој беше сеопшто љубен архијереј во својата земја и беше една од најпочитуваните личности во денешната Сеправославна екумена, стои во соопштението од Синодот.
Погребот на Илија ќе биде в недела на 22 март во Тбилиси. Православните цркви веќе одредија делегации кои ќе патуваат, меѓу нив ќе биде и Вселенскиот патријарх Вартоломеј.
МПЦ-ОА засега не одлучила дали нејзина делегација ќе патува на погребот. На денешната седница на таа тема не било разговарано.
