„Семејството: стожер на љубовта и општествениот развој“, е тематската трибина, што за прв пат ќе се одржи во Дебар, на 9 ноември 2024 година, во Центарот за култура во Дебар.
Трибината е прва од серијата настани, кои ќе се реализираат од страна на Здружението за заштита и негување на културните вредности „Рајчица“, во соработка со општина Дебар, во рамки на проектот за поддршка на соживотот во регионот.
Во дискусијата, со благослов на Игуменот на Бигорска Обител, Епископот Антаниски Партениј, ќе учествуваат архимандритот Кирил и монахињата Ефимија, заедно со Сумеа Рамадани и Орхан Зенго.
Ова е прва ваква иницијатива која ги обединува верниците од двете најголеми верски заедници, а е посветена на традиоционалните вредности на семејството. Интерсот е голем, со оглед на тоа што лица од православната црква и исламската заедница ќе ги споделат своите учења во поглед на важоста за поддршката на традиционалното семејство во современ контекст.
