Претставници на власта и на опозицијата, кои беа на велигденската литургија во Соборниот храм, Свети Климент Охридски, биле гости кај Архиепископот Стефан во Архиепископијата.
Поглаварот на МПЦ-ОА им подарил велигднески јајца, а традиционално потоа го запазиле обичајот на кришње на велигденските јајца.
На неформалната средба кај Архиепископот биле, Вицепремиерката Славица Грковска, министерот за труд и социјална политика Ѓоко Велковски, директорот на Комисијата за односи со верските заедници и религиозни групи Даријан Сотировски, градоначалничката на град Скопје Данела Арсова, дополнителниот заменик министер за финансии Елена Петрова, дополнителниот заменик министер за информатичко општество и администрација Стефан Андоновски и поранешниот заменик-министер за информатичко општество и администрација Александар Бајдевски.
-Пасхалната средба помина во пријатна, празнична атмосфера, велат од Кабинетот на Архиепископот Стефан.
