Владиката Петар ракоположи уште еден свештеник во Австралија

Јане Митев од Канбера е новиот свештеник на Македонската православна црква во Австралија. Тој ќе служи во црквите кои се дел од епархијата на Владиката г Петар. Токму Владиката Петар празникот „Успение на пресвета Богородица“, во Соборниот Храм, посветен на „Раѓање на Пресвета Богородица“ во Мелбурн, го ракоположи во ѓаконски , а веднаш другиот ден на празникот „Свети Јоаким Осоговски“ и во свештенички чин, во сослужение на сите свештеници од цела Австралија.

По заклетвата од страна на новиот свештеник, Митрополитот г. Петар пред сите верници зборувал за големиот позив на свештеникот и за одговорноста за самиот чин, како треба свештеникот да се грижи за своите доверени чеда.

-Сето тоа претставува дар на Духот Свет. Како и сè друго во Црквата, и овој дар исходи од Евхаристијата, и поради тоа ракополагањето се врши во склоп на Литургијата. Епископот, во својство на управител со Црквата во едно место, окружен со свештениците, во присуство на заедницата, ги полага своите раце врз кандидатот и му предава власт да извршува свештеничка служба, порачал Владиката Петар

-Овој ден ќе се запише како историски момент во Австралиската-новозеландска Епархија, и воопшто во МПЦ, со што се покажува дека и покрај големите перипетии и искушенија, духовниот и литургискиот живот на овој континент функционира беспрекорно, велат верниците.

ГАЛЕРИЈА: