Шефот на руската црквана дипломатија Иларион Алфеев му подарил скапоцен подарок на Папата Франциск, на денешната средба во Ватикан.
Честицата од Свети Серафим Саровски во реликвијер во форма на јајце всушност е подарок од Патријархот Кирил за римокатоличкиот поглавар.
Честа кон подарокот Папата ја искажал наведнувајќи се и бакнувајќи го Реликвијерот со подарокот.
Алфеев и Папата Франциск разговарале за ситуацијата во односите меѓу православните и Pимокатолиците по средбата на папата и патријархот на Москва во Хавана во февруари годинава.
Исто така, една од централните теми на состанокот била и страдањта на христијаните на Блискиот Исток, каде што двете страни ја истакнале потребата од понатамошна консолидација на активностите.
Митрополитот Иларион го информирал папата Френциск за иницијативите на Руската Црква да обезбеди хуманитарна помош за Сирија.
Инаку Митрополитот Иларион е во Италија како шеф на делегација на Руската Православна Црква која учествува на XIV седница од мешовита комисија за богословскиот дијалог помеѓу Православната Црква и Римокатоличката црква. Седницата ќе трае до 22 септември.
/РЕЛИГИЈА.МК
